حائل,,,,,,

ودعـت حايـل وكــل أرض ٍ شمالـيـه
مستقبلـي حـدّنـي عنـهـا ومشّـانـي
.
ودعــت حـايـل شمالـيـه وقبلـيـه
ودعت ( شمر ) ( بعـد حيـي ) وحيانـي
.
( أرض الجبل ) والله انـه ماخلـق زيّـه
والله مامثلهـا يـانـاس شــي ثـانـي
.
ماهزنـي غيـر دمـع ٍ يطـري الجـيّـه
(أمي) و (أبوي) و (دموع أهلي) و (خلاّني)
.
أشتقت ل( أمـي ) أشوفـه كـل عصريّـه
بالبـاب تاقـف تحـرّى رجعـة أخوانـي
.
أشتقـت لـدْلال ( أبــوي ) الله ياهـيّـه
( ابو بـدر ) مزبـن المضيـوم والعانـي
.
أشتقت ( لخوانـي الخمـس ) الشقرديّـه
أشتقـت لعـيـال حارتـنـا وجيـرانـي
.
أشتقـت ( لجبـال حايـل ) كـل فجريّـه
مـن قبـل لايصـدح المـذّن بـالآذانـي
.
والله يـا أرض حـايـل كــل شتـويّـه
تسـوى ربيـع الجزايـر وأرض لبنـانـي
.
الله ياهـمـي كـنّـه جـمـرة ٍ حـيّــه
أخفي دموعـي .. وحـر الشـوق بكّانـي
.
يـادار حاتـم تـرى لـو طالـت الجيّـه
والله لرجـع وانـا مشـتـاق ولهـانـي
.
ودعـت حايـل .. وكـل أرض ٍ شماليّـه
لكـن أبرجـع لهـا لـو عمـري أمدانـي



>>>>>>>>>>>>>>>>>>>>>>>>>>


حايل سقاك السيـل غيـث همالـي
يهمل على السمراء وعيرف وصديان
برقه تلالا مـن جنـوب وشمالـي
يا عل ماطر ديمتـه فـوق بـرزان
في وسط سوقك يا عروس الشمالـي
يفيض على واديـك بستـان بستـان
وادي الأيرع لأرتـوت بـه فعالـي
والعش والمسمى الى شعب عفنـان
فـي فيِّـة شـرق الأحيمرعيـالـي
ترقد على سفحه سواليـف فرسـان
هـذي مغيضـة والزبـارة تلالـي
وهذي عقدة والوسيطـا لهـا شـان
يا زين مخلاف علـى شـف بالـي
يم النهايـد لاامتلـت فيـه غـدران
يا زينهـا مـا بيـن قاعـد جبالـي
عكاش طابه مـع مليحـه واركـان
قارح مـع جانيـن بالحيـل غالـي
اذا ازهر الحوذان فـوق ام غبـران
يـا عزوتـي يـا بهيـة بالجمالـي
يـا درة أوطـان تباهـي بالأوطـان
يـا ديـرة منزالهـا طـي عـالـي
انا اشهد انـك للكـرام دوم عنـوان
عبدالعزيـز اللـي كساهـا دلالـي
يوم ادلقت له سورها صـف بيبـان
يستاهلـك مقـول بـالاول وتالـي
من نسل ابو تركي ثرى ذرب الايمان
يا عزوتي يا طربتـي يـا حلالـي
يا حايل التحنـان قلبـي معـك الآن
يا لايمي فـي حـب حايـل ترالـي
في شوق حايل عزوة شوقهـم بـان
امرح مع الهاجوس وارسم خيالـي
واكتب لها في دفتر الشوق عنـوان
>>>>>>>>>>>>>>>>>>>>>>>>>>




حائل سكنهـا طـي قبـل الرسالـة...وخلف بها نسلاً ملوا كل الأمصـار

تكاثـروا بسهولهـا مـع جبـالـه...وصار اسمهم لجباله اسما وتذكـار

عاشوا سنين حين وقـت الجهالـة..ومن أرضها ساروا إلى شتى الأقطار

بالرافدين والشـام حطـت رحالـه...وأصبح لهم شـان يـردد بالأخبـار

ومن يوم رب العرش بعـزة جلالـه...أرسل نبي الحـق يبشـر بالأنـوار

يبشـر بديـن مـا يضاهـا كمالـه...نزل على المختار وهو داخل الغـار

نبـيء بإقـرأ والمدثـر رسـالـة...ثم استمر الوحـي بالحـق مـدرار

بـأم القـرى النـور زاد اشتعالـه..وسار الضياء حتى شمل كل الأمصار

تجاوبـت يثـرب بخيـرة رجـالـه...الفتية اللي اسمهم صـار الأنصـار

دين الهدى قوض حصون الضلالـة..قضى على الأصنام في كل الأوكـار

وبقـدرة البـاري عـم ابنـوا لـه...كل القبايـل أعلنـت دينهـا جهـار

ومن عارض التوحيد ياويـل حالـه...إن عاش بالخيبة وان مـات للنـار

أو طـي قادوهـا طلائـع رجـالـه...عدي وزيد الخير وعدلين الأشـوار

نحو المدينة سعد مـن هـو عنالـه...جو يعلنون إسلامهم صدق وشهـار

ولما بـدا الإسـلام ينشـر ظلالـه...يدعو بنـي آدم يصيـرون احـرار

سـاروا مـع ليـث تعـرف فعالـه...ابن الوليد بالفتـح سيـف وبتـار

حب الجهاد أصبح من أبرز خصالـه...يمشون اليه من فوق حيـل وابكـار

سنبـس ونبهـان وبحتـر وآلــهثم...( بنـي لام وشمـر) هـل الكـار

قبايـل مـن طـي كثـرت عيالـه...توازعـوا بيـن الفيافـي والاقفـار

ولما عـداه الضعـف زاد ارتحالـه...في كل صقـع بالبسيطـة لهـم دار

شمر بقت بالأرض تحمـي سهالـه....سم على العـادي وشهـد للأخيـار

قبيلـة بالسيـف قـادت نضـالـه.....تذود عن حايل مـن جـور غـدار

عبده وسنجـاره ومـن التجـآ لـه....وعيال الأسلم جدهـم موقـد النـار

للضيـف والعانـي جـاد بحـلالـه......رمز الكرم اسمه بيـن المـلا طـار

أرث لأحـفـاده جـلايـل فعـالـه....من أرض هداج إلى أرض سنجـار

ولكـن الأيــام عـجـل زوالــه......تداول المخلـوق بيسـر وإعسـار

مـر يعـم الأرض خيـر وعدالـه....ومر يزود البأس ويسـود الأشـرار

ولما التقى الشيخان لدحر .. الضلالـةعم الجزيـرة كلهـا أمـن وإيسـار

تعاهـدوا تجديـد روح الرسـالـة...وبدو جهـاد شامـل كـل الأقطـار

ومن ناصر الدعـوة سياحـي فالـه....اصبح حصينـاً بالعقيـدة والأفكـار

وأهل الجبل حيـو شيـخ عنـا لـه...تجاوبـت أجـا وسلمـى لـلأذكـار

ابن علي رحب بشيـخ سعـى لـه...أعلن ولاه وقال أنتـم هـل الـدار

قـاد الجمـوح وقـال هـذا مجالـه...ندمر عدو الديـن لـو كـان جبـار

مـع الأئمـة بحلـهـا وارتحـالـه...ساروا بأمـر الله حيـث الفلـك دار

وعبد الله المسطور تعـرف فعالـه...مع فيصـل سيفـه شطيـر وبتـار

أبو طـلال اللـي عمامـه خوالـه...اخلص لفيصل يوم ميـلات الأقـدار

نبـه علـى شمـر تجهـز رحالـه...تنصر إمام حوطـوا بـه الأشـرار

من أرض الكنانة جو يبون الشكالـة..غاياتهم طمـس المعالـم و الآثـار

خمسين عام و نجـد فيهـا دغالـة....تجاذبـه قـالات نـاس لهـم ثـار

ومن يوم ولاه شيـخ عـدل خمالـه....عبد العزيز الصيرمي نسل الأخيـار

جمع شتاتـه ووحـده وإرتكـا لـه...بالدين والمعروف والعـدل والكـار

وحّـد أقاليمـه والخلـف أزالــه....وملك قلوب النـاس بعفـو وإيثـار

وكلـه مـن دبـرة منشـي خيالـه...بحكمتـه خلقـه تنـاوب بـالأدوار

تمت وصلـوا عـد وبـل الهمالـه.....على النبي وعداد مـن للحـرم زار


>>>>>>>>>>>>>>>>>>>>>>>>>>



يانديبي فـوق موجافـي
تقطـع الديـان بهذالـه
مر تنحر مزبن اللافـي
وانت يالمندوب مرساله
قل لبو تركي بلا خافي
لو يجيب طويق وارجاله
دون حايل نبحث الخافي
قبل كسرة موحش جاله
مانقلنا حدب الاسيافـي
كود دون السلف وجباله
ياعنود قرنهـا ضافـي
حظ منعـور تهيـا لـه
حرمت حكام الاشرافي
لبو بندر عز من جالـه

>>>>>>>>>>>>>>>>>>>>>>>>>>




الشمـس غابـت وكلـن دور سراجـه
والشوق جمر ماحـر الشـوق لاجمـر
دام اتجاهـك شمـال مودعـك حاجـه
سلم على حايـل وسلـم علـى شمـر
قدامـك الخافـق الـي ينشـد علاجـه
كنـه معلـق علـى بـرزان ومسمـر
وانت تعرف يابعد حيـي مـن تواجـه
بيضان الافعـال لامـن الزمـن سمـر
ان ضاقو اعنف من البحر ومن امواجه
وان راقو اركد من الخرمـان لا عمـر
كم صيت بيت عتق في الباب مزلاجـه
وكم شيخ امـاره قبـل تعيينـه مومـر
وكم حاتمي (ن) تكفـي فلـة حجاجـه
وشلون للضيف لو عن ساعـده شمّـر
وان مر تاريخهـم متلبـس (ن) تاجـه
كم عاشق (ن) كيّف وكم حاسد (ن) زمّر
في جو(ن) اغلى على الرجلي الى داجه
من ديرة السادس ومـن ديـرة معمـر
كنه الـى اهـدا لـه البـراق ثجاجـه
طلة غرير ضحك ومن الخجـل حمّـر
تواثـو حـرثـه وتمتـيـر ديبـاجـه
ركابـة الجيـب مـن ركابـة الضمـر
الود لا غرس بدري صعـب مخراجـه
والله ولا الـذ واحلـى منـه لا ثـمـر
ادخل على الي تطوف البيـت حجاجـه
من ناقص عنـد مـدح الغيـر يتذمـر
والمدح لوكان فـي الرديـان للصاجـه
ويقـال عمـر بلـد بالعـون ماعـمـر
والـذم لـو زاد بالطـيـب تـولاجـه
لا احرق ولا اغرق ولا عمر ولا دمـر
مانيب متحسف بشعـري علـى حاجـه
الا انـي اروح ماغنيـت فـي شمـر


>>>>>>>>>>>>>>>>>>>>>>>>>>




ديـرتـي يــادار حـاتـم 0جعـلـه تسقـيـك الـرعــود
ومرحـبـا بضـيـوف حـايـل 0بــدار حـاتـم يـاهـلا
أفتخـر ياقـيـل حـايـل 0وافتـخـر بـطـاري سـعـود
كـلـمــةٍ لازم اقــولــه 0مـعـلـنـه قـــــدم الــمـــلا
هـلا بعـروس الشمـال 0وهــلا بعـريـب الـجـدود
وهــلا يــاواد الاديــرع 0وجـبـال شـمـر يـاهــلا
وهــلا بـديـار الطنـايـا 0مــن جـبـال ومــن نـفـود
وهـلابـه مــن كــل قلـبـي0 يـابـعـد حـيــي هـــلا
مـن عصـر حاتـم ياحايـل0 بالكـرم مـالـك حــدود
حـتـى لــو شــح الـزمـان0 ضيـفـك دوم مجـمـلا
ومن عصر حاتم لبهيج 0ومن الضياغم لآل سعود
مسـارك واضــح ياحـايـل 0مطلـوبـك دوم الـعـلا
عسـى نـعـودك ياحـايـل 0ويـاعـل صيـفـك يـعـود
وعسـى ربيعـك ياحايـل0 ينـبـت بــه فـقـع وكــلا

>>>>>>>>>>>>>>>>>>>>>>>>>>




لاهيب دار الشرق..لاهيب شامي
لاهيب دار سبيـع ..لادار يامـي
ارسلت انا لجبال حايـل سلامـي
حايل ..بعشقه ينتهي بي كلامـي
لاتنشدن يالايمـي وش علامـي
حبيتها واسرفت له من غرامـي
بيني وبين الشوق شبه احتدامـي
اشوف انا صديانها فـي منامـي
واشوف اجا ورمان وهاكالعصامي
حايل ..تهدّي..واستريحي ونامي
دام القدر سوّا سـوات الحرامـي
يالايمي وشلـون مثلـي يلامـي

>>>>>>>>>>>>>>>>>>>>>>>>>>




دنيـا غريبـه زاد منهـا كـدرنـا...........وزاد العنا من وقتنا وبعض الاسباب
والله يالولا المرجله ما صبرنا............ولا يحتمل وقتن محمـل بالاتعـاب
ومع كل هـذا بفعلنـا ما قصرنا.............نفعل اليامن الردي بالـردى خـاب
ومن باسنا بانظارنـا ما نحدرنا..............لو سكرت بوجيهنـا كـل الابـواب
حنا هلـن للطايلـه مـن ضهرنـا..........وشموخنا عانق طويلات الاهضـاب
ولاهـو غريبـن فعلنـا لا هدرنـا..................عدونـا نسقيـه مـرن وتيـزاب
ماهو جديدن مـن قديـن خبرنـا..............قبيلتن مشهود لـه عنـد الاجنـاب
شمرهلي لوصار قاسي دهرنا..........يا قونا عند المصايـب والاصعـاب
حنا الطنايـا اسمنا مـن سطرنا.............وياما خذينا من جميـلات الالقـاب
وحنا هل الحرشا كبيـرن فخرنا........ساس المراجل والزعامه لنا اركاب
وحنا اليامـن قيـل زوبـع قدرنـا..............بعون الاله لفك صعبـات الانشـاب
ونا سناعيسـن طوالـن اشبرنـا...............ردينا لمواجـه الضـد مـا هـاب
وحنا الضياغـم للمعادي قهرنـا..............تشهد لنا صولاتن يـوم الاكـراب
وحنا يمن في كـل عـزن كبرنا.............لا ثارت الهيجا مطانيـخ وانجـاب
وحنا الصفران لكل ـدن كسرنا..............بفعالنـا تفخـر شبابـن وشيـاب
وحنا هل الحيسه بعيـدن نظرنا.............ماننحني لوتنحنـي كـل الارقـاب
وحنا لمنهو صاح صبـي جبرــا............كلن بحق المنتخـي صـار طـلاب
وحنا اليامن قيـل غلبـا حضرنـا...........الكل منـا لغالـي الـروح جـلاب
وحنـا السيافا بالمعالي شهرنـا............من دوننا تقصر زحازيح واشنـاب
وحنا سودان الروس محدن جبرنا.........وزهيد ما نرضى الهزيمه لنا باب
وحنـا بزينيـن المحـازم ضفرنـا..........عند اللزم للملتجـي درع وحجـاب
وحنا العصاة لكـل عايـل دحرنـا..........تاريخنا مـا هـو تزاويـر بكتـاب
وحنا هل العصلا وسيعـن بحرنـا........واليا زعلنا امواجنا سيوف وحراب
وحنـا مساعيـدن اليامـن ذكرنا..........صغيرنا للطيـب والمجـد كسـاب
وحنـا بغافـل لانتخينـا عبـرنـــا............في كل ميدانن لنا كسـب الاطيـاب
وحنـا بالازمـل لانتخينـا جهرنـا...........بوجه العدو عوقن وعزن للاصحاب
وحنا هل الجدعا اليامـن جسرنا..........خصيمنا دايـم محطـم ومنصـاب
وحنا هـل البلهـا قويـن ضهرنـا............بزوماتنـا عدونـا دوم مـرتـاب

>>>>>>>>>>>>>>>>>>>>>>>>>>




اغليك يا دار بك الخال والعم = وقلبي وتفكيري ودي وروحي
أغلى ترابه وأغلى الضلع الأدهم=وجو يخلي كل صدر شروحي
أحبها بالليل والليل ما لتم = واحبها وقت المسا والصبوحي
أحبها حب عليه اللحم صم = حتي يحطون الجسد بالضروحي
انا بحبه ناشف الرأس مغرم = وغلاه غطى فوق عالي طموحي
غلاه فوق العد والكيف والكم = ماينقري رقمه طويل فضوحي
دار بها من دوره حاتم مكارم = من مطلع الإسلام قب الفتوحي
وقامت بها الأحفاد تنهج وتهتم = في طيب أهلها كل مخلوق يوحي
وياويل حالي كان بعده علي تم = ويا حسرتي ون كان طول نزوحي
تكفون حلوا عقدتي لا تحطم = إلحكم لو كان ماني لحوحي
أبكي قهر وان جيت عفشي محزم = وقول وآعزااااه وشلون اروحي
انا حياتي دونها كلها غم = سني ضحوك ومدميات جروحي
مدمن على ماها ومدمن على الشم = شمت هواها يوم يقبل يفوحي
ويازين ضلعه كان بالضل سلهم = وقام الحمام اللي بلوحه ينوحي
واضحك طرب كان الشمالي تنسم = والبدر في جو العليا يلوحي
سبحان من كمل جماله ونظم = جمع نفوده للسهل السفوحي
وصارت كأية نور والكون معتم = عندي وكل في دياره بجوحي
ومرافقة ناس بها يبعد الهم = اللي مجالسهم تزود فروحي
أمشي مع اللي لا حسدني ولا نم = ورافق الرجل الشريف السموحي
نضحك مع الغالين والليل مظلم = الجو بارد والسوالف مزوجي
هذا يرحب بك وهذا يسلم = وهذا يهلي من ضمير نصوحي
هذي مناي يوم قالوا تكلم = وضحت ما بالقلب ماني شحوحي
حبي لها ما هو على غيرها ذم = لكن بغيره صار حبه رجوحي
وصلوا عدد ما يسكن القاع واليم = على رسول في كلامه وضوحي

>>>>>>>>>>>>>>>>>>>>>>>>>>




مـن يـم نجـد وشــرق مـكـه وطيـبـه
ليـن الديـار اللـي جـنـوب القـريـات
جيـت بخفوقـي شـوق ماينحكـي بــه
اكبر من حـروف الشعـر والكتابـات
شـوق ِ مهـو شـوق الحبيـب لحبيـبـه
شــوق الطنـايـا للـكـرم والجـمـالات
ولـو قالـوا ان الـدار مـاهـي قريـبـه
بقـول : يعـنـي ماتـهـون المسـافـات
مـاهـم بربـعـي بالليـالـي الصعـيـبـه
أجــل وربــي ماحسـبـت المـشـقـات
(شمـر) ليـا صـك الصليـب بصليبـه
إهجد ياجن وإنـس لأهـل الطويـلات
يرضخ لهـم هالطيـب حشمـه وهيبـه
ويرفـع لهـم بالعـز بـيـرق ورايــات
ومـن مرهـم طرقـي بيآخـذ ضريـبـه
فنجال ٍ أشدى من خضاب الخوندات
والمـوقـده تشـهـد بـــراس الرقـيـبـه
ومـن طيبهـم ماينـزلـون الطمـانـات
(والشمري) من طيب راسـه وطيبـه
بـه ميـزة ٍ عــدّت حــدود الـمـروات
لاثـارت الفزعـات .. لاتنتـخـي بــه
لأنـه يثـور مـن الطنـا دون فزعـات
الله خـلـقـهـم للمـصـيـبـه مـصـيـبـه
وللـنـار نـــار وللمـعـالـي ريـــادات
وللـمـوت مــوت ولللهيـبــه لهـيـبـه
وللطيـب طيـب وللمراجـل سيـادات
لـكـن بـهـم حـاجـه ولاهــي غريـبـه
يمكن يخون إبها الشعـر والعبـارات
إليا بطشوا خلـو المضـارب عطيبـه
وإليـا عطـوا مامـدوا إلا الجـزيـلات
مـا ارفــع مكانتـهـم بشـعـر ٍ اجيـبـه
هم يرفعون حروف شعـري مقامـات
وآخر ما اقول بهالشعـر وانتهـي بـه
بحطها بقوسين وأربع علامـات !!!!
(الشمري ! عيبـه ! وعيبـه ! وعيبـه
إليا ارتكى للحمل شال الثقيلات ) ..

>>>>>>>>>>>>>>>>>>>>>>>>>>





هاتوا جميع ابيات شعري اجزالي,,,,,,,,,,شيطان شعري هزّه الشعر واهتز

جيت اكتب المردود واحسن مقالي,,,,,,,,,,( للنايف ) اللي ذاكر ٍ قول موجز

ابياتك اللي مثل برق الــ خِــيالي ,,,,,,,,أحْيت هشيم الارض والعشب نهـّــز

جيتك شمالي من عروس الشمالي,,,,,,,,,, من وسط حايل جيتك اليوم معتز

هيضني العنوان ( شمّر خوالي ),,,,,,,,,, وقامت تهيج ابيات شعري وتهتز

صحت القصيد وصاح يا همّلالي ,,,,,,,,ابــشــر بـعــزك والـقـوافـي تـحـرّز

( يالنايف ) اللي بالـطـنـاخـه مثـالي,,,,,,, كل الـخـصـال الـنـادره فيك تـبرز

الـــكــامــل الله واصــل ٍ لــلـــكــمـالي ,,,,,,,,,,اصلك ذهب وبالجواهر مطرّز

اصـلـك تـعـدّى شـامـخـات الـجـبـالـي,,,,, ورمحك على عرش المطانيخ ركـّـز

يافال شمّر فيك .. وياطيب فالي ,,,,,,,,,,شــرواك والله يـالــبـنـاخـي يــفــزز

ودام ان خوالك كاسبين الطوالي ,,,,,,,,,,لك حق تفخر يالبناخي وتعتز

جيتك على الله بادع ٍ في مجالي ,,,,,,,,,,ولـ اهل الحمــيــّــا هالقصايد تنجّز

من صلب حاتم والطنايا خوالي ,,,,,,,,,, وعيال عمي من سناعيس ترتز

>>>>>>>>>>>>>>>>>>>>>>>>>>




مسكني " فـوق " الثريـا والجـدي
ماني مثلك مسكنك " وسط " التراب
أنا " عالـي " مـن يبينـي يهتـدي
وإنت " واطي " لانصاك أحد سراب
من بغى " النخوه " علينـا يرتكـي
ومن بغى " الذمه " لفاني ومايخاب
ماعرفت " الغدر " ولانـي معتـدي
وغير " واحد " فوقنا لا مـا أهـاب
إن طلبت " الفوق " أوميلـه يجـي
وإن بغيت " العِز " هديت الركـاب
أنا " أصيل " والأصايـل مركبـي
ماني من " اللي " ليا أقفـى يعـاب
شمري !! إيه شمري !! إيه شمري
إبن أجا وسلمى ومن ذيك الهضاب
ماكليت إلا مـن " الصيـد " بيـدي
" والفطايس " خلها لـك يالغـراب
بالمبـادي والقيـم أنـا " بـدوي "
وبالحضاره أنا " نطّاحت سحـاب "
هذا هو أصلي وفصلي " ونسبـي "
ورح دور على أصلك " يالتـراب "

>>>>>>>>>>>>>>>>>>>>>>>>>>





ياغنت القمرا تغنــــــــي طنايا لأجا وسلمى وفيحة العز رمــان

........................ وسنجار يوم(ن) الطنايا عرايا من كل عرق(ن) فيه أنه وشويان

النحب عاده للنسا والصــــبايا أن مات ميت وقربة الميت نسوان

..................... بس للرجل عبره بحوم الخفايا يامر بالأطلال والناس له شـــــان

والعبر اللي في عيوني مرايا أشوف فيها مجد شمّــر وسلفـــان

................... فيها تطارد خيل زوبع دهايا وأركاب الأسلم له جنب يوم ألأكوان

وسربة سناعيس بكورالفتايا ذعر القلوب اللي بها ذل يفــــــلان

.................. ويــــــاغنت القمرا نحث المطايا أحرار والأحرار تر مالها أوطان

ترقى مشاريف وتعب الثنايا وتجوب حوم وتقطع أحدود بلدان

................. وياغنت القمرا نسوي سوايا ملعون وقت(ن) كان مابوجهنا زان

حنّا ولامن قلت حنّا تعايــا ولاخير في قول(ن) على غير برهان

................شمّر طنايا طي ماهي رعايا كبار الصحون وساع بالطعن لازان

مافيه شمر نجد وشمّر شوايا الشمري هو شمري ويـــن مــاكان

........... أن كان في مدريد وألاّ ف بتايا تبقى به الطنيه ويبقى كحيـــــــلان

وياغنت القمرا وحنت ظمايا ركاب(ن) عليها طيورشلوى وهيشـــان

................ يردن ونارد له حياض المنايا يرون ويروى قفوّها كل عطشان

ولو مي زمزم حال دونه سرايا عليه نارد غصب مانرد بأحسان

............. أستغفر الله كان قصدي البرايا وألاّ الولي جنده على كل شيطان

أخشى تفسرها خباث النوايــا وأتزيّف الكلمه على غير ميزان

................. وياغنت القمرا تموت الحيايا وسم ألأفاعي بسر خاتم سليمان

والليل وأن عسعس غلس أو تعايا أجرح سواد الليل بوجيه شيبان

......... فيها كرم حاتم وهاك السجايا وسطوة علي وحكمة عمر أو عثمان

وياغنت القمرا بسيل العطايا حنّا لنا في صفحة الجود عنوان

.............. نفني علاكيم(ن) ونهدي سبايا ينبيك قول(ن) للشليمي وفجحان

يكفي بنا حاتم من أهل القرايا وعبد الكريم اللي عطاياه قطعان

................ وياغنت القمرا بوصف ومزايا وعدّوا ثقال الروز في كل ميدان

أشهودنا من ضدنا بالحنــايـــا وأرماحنا بأنحور طلقين ألأيمـان

............. نعفي ولا نطعن قفا بالدعـايــا والعفو عند المقدره شانها شــــان

مافيه حلو(ن) كامل(ن) بالحلايا ألاّ الطنايا ومرها بحلو بــرزان

............... وياغنت القمرا تحيي الطنايـــا من بالعراق ومن سكن يم صديان


>>>>>>>>>>>>>>>>>>>>>>>>>>




نلح أركابنا والدرب طــول .... وزما بعيوننا لال القوايل
زمـــا بعيوننا شيء يهول .... غريب الدار وركابي نحايل
غريب الدار لو راح وتجول .... ماهو مرتاح وعيونه تخايل
وأنا لو جيب لي عرش المعول .... ابيع العرش في سجه لحايل
أنا من من شمر هل المجد الأول .... فخر للسيف والخيل الأصايل
فخر للسيف كان الجمع ضول .... ونزوح الجمع كان الجمع صايل
ولا يالايمي لا لا تهول .... أنا واياك ورجال الحمايل
حقايق ماهي اقوال تقول .... دلايل يارديين الدلايل
ماهي من اليوم لا والله من أول .... حكما نجد مع سبع القبايل
لنا جبريل من الجبار حول .... وعطانا الملك مار الملك زايل
وعطينا من نصى الدار يتسول .... وذبحنا من نصى للدار عايل
ولنا منهج ماعنه نتحول .... ولا نرتاع من صلوا الفتايل
وأنا ودي لو ان القاف طول .... ولكن خفت يجي القاف مايل
>>>>>>>>>>>>>>>>>>>>>>>>>>





انا حصان وشيمتي تـاج راسـي
نجعي رحيـل وطنيتـي شمريـه

ريضان رعيي واظهرت لي يباسي
قومٍ لفت به واصبحـت لـه نديـه

واشوف غدرانه لغيـري رواسـي
وانا بـوردي لـه لقيـت الظّميـه

دارٍجفتني عقـب ماهـي مداسـي
باسلاه لو ورْدي حيـاض المنيـه

واصبر ولو صاب الخواطر هواسي
وارسي كما ترسي شوامخ طميـه

انا بـدار خيـار اغيـر لباسـي
والملبـس الضيـق يـدور خويـه

ابي لباسي جوخ اصـلٍ وساسـي
ماهـي لخلقـان السواحـل لديـه

مع دلـةٍ صفـرا تفـك العماسـي
تجلـى صـدا كبـدٍ لعلـه شكيـه

ودق الذهب ماهو بمثل النحاسـي
الفرق واضـح والشواهـد قويـه

وجِدّي وبـدّي مالـزو للخساسـي
وانا على الممشى دروبـي عذيـه

وا نـا نزلـت بفيضـةٍ ماتداسـي
والعمر لاعيونه باسوقـه هـد يـه
>>>>>>>>>>>>>>>>>>>>>>>>>>





أبتدي بأسم الولي رب البريـه
منزل الآيات ربي جـلّ شانـه
وقلت ابهدي والشعر مافيه زيه
للرجال اللي لهم قدرٍ ومكانـه
جاكم الجلعود ما يرجي عطيه
تنطق الأبيات من شذرة لسانه
من قربت وفاح ريح الشاذليه
وارضكم فاحت بريح القحويانه
شمريـه شمريـه شمـريـه
والنعم فيكم ونعميـن البطانـه
يالطنايا ناركم دايم الدوم حيـه
وانتم أهل المكرمه وانتم لبانه
يا سناعيس الجبل يأهل الحميه
ياهل الطولات من مقدم زمانه
يالضياغم يالصناديد العصيـه
يامنوخت المجنن مـن جنانـه
بلسانكـم دايـمٍ يالله حـيـه
عامرات دياركم يأهل المكانـه
حاتميـه حاتميـه حاتمـيـه[font=Arial Black][/font]
ياسلايل من كلى ظيفه حصانه
من يجاوركـم هنيـه ياهنيـه
يألأسود الثايره وأهل الأمانـه
وصفكم ياكنكـم هـداج ميـه
لاحرام انتم كما النجم وبيانـه
حبكم بالقلب أكبر مـن طميـه
راكزٍ بالقلب ومركـز كيانـه
لا يمي فيكم عسى تكويه كيـه
تستمر الين ما يقبـل دفانـه
هذا وصلى الله على محمد نبيه
مرسله رب الملا واليوم صانه
>>>>>>>>>>>>>>>>>>>>>>>>>>